人称TVB “ 人肉发电机 ”嘅蔡思贝
近排趁男朋友麦秋成北上做嘢
即刻忍唔住去揾其他仔消遣
前段时间收工之后幽会周志文睇戏
睇完仲前后脚上车去周志文屋企偷食18小时
当日蔡思贝仲特登着咗件透bra背心赴会
跟住两个人见未够钟开场
行落一层楼喱埋暗角调情
跟住蔡思贝仲突然边哼歌边扭腰
睇到周志文眼定定
睇完戏两个人就特登前后脚离开
跟住分别揸车去周志文嘅屋企
蔡思贝仲系揸住男朋友麦秋成架去偷食！
两人入楼发现有狗仔队仲急急脚冲入楼
第二日玩足18个钟之后
周志文终于喂饱蔡思贝
跟住仲叫埋救兵过嚟解围
两个人嘅偷欢变成4个人出嚟
扮到好似唔系二人独处一室咁
之后周志文接受采访嘅时候承认
蔡思贝确实曾经喺佢度过夜
仲表示对蔡思贝有好感
而蔡思贝接受访问就冇咁顺摊
一听到喺周志文度过夜嘅事
就即刻摇头摆手笑住话
▼
“ 唔答喇！唔好意思！唔答喇！”
跟住即刻关车门走人
港姐出身嘅蔡思贝
唔知点解呢几年特别受TVB重用
净系2016年就有三部戏系佢演嘅
但系佢出演嘅部部戏都俾人喷
之前有人做过
「 TVB剧集有她就转台排行榜调查 」
佢都上咗前三…
戏屎都唔单只，仲要绯闻不断
拍一部戏换一个男朋友
人称TVB “ 人肉发电机 ”
蔡思贝2014年因为电影《狂舞派》
同舞蹈总监麦秋成学舞挞着
拍拖拍咗半年之后
原本同屋企人住喺杏花邨嘅蔡思贝
仲偷偷搬埋去清水湾村屋同麦秋成同居
但系蔡思贝仲多次强调自己单身
喺外边放肆乱食
两个人仲因为咁一度传出分手
但系后来蔡思贝曝出假学历事件后
两个人患难见真情
俾人放假冇工开嘅蔡思贝
亦修心养性，日日陪住男友
旧年拍《冲线》嗰阵
就俾人指出同罗仲谦有嘢
趁住部戏里边嘅情感戏份
玩嗮暧昧，仲成日半夜打电话俾罗仲谦
《冲线》拍完一段时间之后
蔡思贝同罗仲谦仲保持联系
跟住俾罗仲谦未婚妻杨怡发现咗
杨怡仲激到同罗仲谦解除婚约
跟住拍《味想天开》嗰阵
蔡思贝同洪永城又成日出双入对
拍完戏仲成日幽会
俾人拍到佢地一齐去西贡运动
蔡思贝开嗮大髀拉筋嚟玩色诱
两个人成日玩暧昧
一度激嬲洪永城女友唐诗咏
蔡思贝同郑俊弘一齐拍超市广告嗰阵
两个人一挞即着，发姣去抢姜丽文男友
跟住仲突击郑俊弘嘅首次catwalk show
亲自去到后台送花俾郑俊弘
之后仲俾人拍到两个人
去红馆睇苏打绿演唱会
旧年仲俾人拍去到同陈展鹏
去九龙车房整车
两个人贴身毫不避忌
跟住陈展鹏主动帮蔡思贝试车
最后仲去陈展鹏屋企短聚
点解两个人未合作过又咁熟？
蔡思贝解释话
▼
“ 我架车坏咗好耐，嗰日遇到陈展鹏介绍熟悉嘅车厂俾我，于是佢带埋我去整车 ”
今年六月嗰阵
蔡思贝拍新剧《心理追凶》外景时
黄淑仪嗰仔徐肇平嚟探班，跟住两个人失踪一粒钟
但系事后蔡思贝表示，佢同徐肇平系姐妹
佢仲话
▼
“徐肇平、温家伟、林师杰和麦秋成一样，都是我好好的朋友！”
虽然蔡思贝私底下嘅生活系有D乱
但系点讲都好啦，呢D都系青春
每个人都有选择自己生活嘅权利
大家得闲八下就好
